اليوم السادس و الستون
غمض عينك و احلم
من كتر الصعوبات اللى بنشوفها فى حياتنا و الحاجات اللى بتقف عائق فى تحقيق احلامنا، و الحياة الصعبة عل كتير مننا، و إحنا ماشيين فى طريق الحياة بتفوتنا حاجات كتير، زى بلد كان نفسك تزورها و مزورتهاش، شهادة كان نفسك تخداها و مخدتهاش، ناس كان نفسك يفضلوا معاك و سبوك فى اول الطريق أو حتى فى نصه، حد كان نفسك تشاركه حياتك و لظروف ما مكملتوش مع بعض، حد كنت بتحبه اوى و متعلق بيه و هو كل حياتك و فارق الحياة، ابن أو بنت كان نفسك فيهم و ربنا ما ارضش و اكيد له حكمة فى ده، واحد نفسه يعمل البزنيس الخاص بيه و اشتغل كتير و تعب و فى الآخر ما نفعش حلمه يتحقق ، و الخ الخ من الأحلام الوردية اللى كل واحد منا عنده منها حلم أو مجموعة أحلام مع بعضها.
فى منا ناس بتقف حياتها عند حلم معين و بيقفل كل حاجة بايده بدرى لما حلم حلمه متحققش، و ناس بتكمل حياتها لما تفشل فى تحقيق حلمها بس مش بنفس الشغف اللى كانت بتجتهد بيه فى الأول يعنى بتحلم بس على ادها و على ادها اوى كمان و بتبقى خايفة تدوس بقلب فى اى حاجة، و فى ناس و دول أقلية بيقوموا أقوى من الاول، و تحس إن الهزيمة إديتهم طاقة على طاقتهم و أن كانوا بيجروا فى الأول على تحقيق حلمهم فبعد الفشل بقوا بيطيروا و بيصروا على تحقيق حلمهم و بيامنوا انهم حيقدروا يحققوه، الناس دول بيفرقوا عن غيرهم بحاجة واحدة اسمها العزيمة، يعنى لو انت عزيمتك قوية و مؤمن باللى انت بتعمله، يبقى انسي مفيش حاجة فى الدنيا بإذن الله حتقف فى وشك و حتلاقى الدنيا كلها بتطير معاك علشان تحقق حلمك.
مش عيب و لا حرام و لا بفلوس انك تغمض عينك، و ترتب أولوياتك و تحلم، و تسرح بخيالك كمان لبعد الحلم، يا ترى حبقى فين ياترى حبقى احسن يا ترى حقدرأسعد كام واحد معايا، و لو كانت الإجابة مرضية لنفسك كفاية يلا فتح عينيك و استعد جامد و يلا قوم أسعى و اشتغل و كافح و عافر لحد ما حلمك يبقى حقيقة، و كل ما تحقق حلم، احلم غيره و غيره و طير بخيالك و اتأكد أن ربنا معاك طول ما انت بتسعى.
تحياتى
هند مراد
غمض عينك و احلم
من كتر الصعوبات اللى بنشوفها فى حياتنا و الحاجات اللى بتقف عائق فى تحقيق احلامنا، و الحياة الصعبة عل كتير مننا، و إحنا ماشيين فى طريق الحياة بتفوتنا حاجات كتير، زى بلد كان نفسك تزورها و مزورتهاش، شهادة كان نفسك تخداها و مخدتهاش، ناس كان نفسك يفضلوا معاك و سبوك فى اول الطريق أو حتى فى نصه، حد كان نفسك تشاركه حياتك و لظروف ما مكملتوش مع بعض، حد كنت بتحبه اوى و متعلق بيه و هو كل حياتك و فارق الحياة، ابن أو بنت كان نفسك فيهم و ربنا ما ارضش و اكيد له حكمة فى ده، واحد نفسه يعمل البزنيس الخاص بيه و اشتغل كتير و تعب و فى الآخر ما نفعش حلمه يتحقق ، و الخ الخ من الأحلام الوردية اللى كل واحد منا عنده منها حلم أو مجموعة أحلام مع بعضها.
فى منا ناس بتقف حياتها عند حلم معين و بيقفل كل حاجة بايده بدرى لما حلم حلمه متحققش، و ناس بتكمل حياتها لما تفشل فى تحقيق حلمها بس مش بنفس الشغف اللى كانت بتجتهد بيه فى الأول يعنى بتحلم بس على ادها و على ادها اوى كمان و بتبقى خايفة تدوس بقلب فى اى حاجة، و فى ناس و دول أقلية بيقوموا أقوى من الاول، و تحس إن الهزيمة إديتهم طاقة على طاقتهم و أن كانوا بيجروا فى الأول على تحقيق حلمهم فبعد الفشل بقوا بيطيروا و بيصروا على تحقيق حلمهم و بيامنوا انهم حيقدروا يحققوه، الناس دول بيفرقوا عن غيرهم بحاجة واحدة اسمها العزيمة، يعنى لو انت عزيمتك قوية و مؤمن باللى انت بتعمله، يبقى انسي مفيش حاجة فى الدنيا بإذن الله حتقف فى وشك و حتلاقى الدنيا كلها بتطير معاك علشان تحقق حلمك.
مش عيب و لا حرام و لا بفلوس انك تغمض عينك، و ترتب أولوياتك و تحلم، و تسرح بخيالك كمان لبعد الحلم، يا ترى حبقى فين ياترى حبقى احسن يا ترى حقدرأسعد كام واحد معايا، و لو كانت الإجابة مرضية لنفسك كفاية يلا فتح عينيك و استعد جامد و يلا قوم أسعى و اشتغل و كافح و عافر لحد ما حلمك يبقى حقيقة، و كل ما تحقق حلم، احلم غيره و غيره و طير بخيالك و اتأكد أن ربنا معاك طول ما انت بتسعى.
تحياتى
هند مراد
.jpeg)
No comments:
Post a Comment