اليوم المائة و خمسة عشر
بحب الشيكولاتة
كتير مننا ليه حاجة معينة بيحبها، اكلة بيحب ياكلها، حاجة بيحب يشربها، يعنى لازم حتلاقى كل واحد فينا ليه حاجة بياكلها أو يشربها و بتخليه مبسوط، و طبعا ديه حاجة متفاوتة ما بين شخص و التانى، و الناس متتفقش علشان اذواقنا مختلفة.
بس لو جينا نقول كلمة شيكولاتة لاى حد، بتلاقيه بيضحك حتى لو مش بيحبها، لأن ببساطة كده الشيكولاتة هى مصدر سعادة لمعظم الناس، الأطفال الكبار البنات الولاد، كل الناس بأنواعها بتتفق على حب الشيكولاتة، بالنسبة بقى لناس كتير الشيكولاتة دى مش بس حب دي عشق، اه بجد عشق، يعنى حتلاقى ناس بتحبها بالبندق، ناس بتحبها باللبن، ناس بتحبها بالبرتقال، ناس بتاكلها دارك، ناس بتحبها بالكراميل، و مهما اختلف الناس على النوع اللى بيحبوه بس اسم شيكولاتة بس كده لوحده سادة يعنى، كفيل انه يخليك تبتسم.
يعنى و احنا صغيرين، كنا بنستنى بابا لما يجى من برة و أول سؤال نسالهوله، بابا جبتلنا شيكولاتة معاك، و عن كم الفرحة اللى كانت بتبقى فى عينينا و الزقططة اللى كنا بنبقى فيها لما نلاقيه جايبلنا معاه شيكولاتة، غير أن الشيكولاتة كانوا بيستخدموها كمحفز، يعنى لو ذاكرت و خلصت الواجب حجيبلك شيكولاتة، لو سمعت الكلام حيجيلك شيكولاتة، فكانت بالنسبة لنا و نعم المحفز علشان ننجز أى حاجة بسرعة.
و عن البنات اتحدث، الشيكولاتة دى بيتعملها ميزانية خاصة كل شهر من كل بنت، و مرتبطة بيها ارتباط من نوع خاص، يعنى لو حسيت أنها زعلانة أو متضايقة شوية اول حاجة تيجى فى دماغها انها تقوم تاكل شيكولاتة، أو لو حست أنها مبسوطة شوية تجرى تجيب شيكولاتة، فالشيكولاتة فى حياة أى بنت زى الماية و الهوا و نوع من السعادة و المشاعر المختلطة فى بعض مرتبط بوجود الشيكولاتة فى حياة أى بنت.
انا طبعا شهادتى مجروحة فى موضوع الشيكولاتة ده، يعنى تقريبا كده دى اكتر تالت حاجة بحبها فى الدنيا و لو ربنا كتبلى منصب حلو فى حياتى، فبتمنى انى أكون مدير مصنع شيكولاتة، يمكن النهاردة انا مرهقة زيادة عن اللزوم و حاسة أن مدتش الموضوع حقه، و متكلمش عن عشق عمرى بالشكل اللى تستحقه، بس مبررى الوحيد ان يمكن كل واحد أو واحدة بيحبوا الشيكولاتة لما يقروا الموضوع حتى لو كان صغير حيتبسطوا و لو حبة صغيرين و يروحوا ياكلوا شيكولاتة زى ما انا حعمل دلوقتى.
تحياتى
هند مراد
بحب الشيكولاتة
كتير مننا ليه حاجة معينة بيحبها، اكلة بيحب ياكلها، حاجة بيحب يشربها، يعنى لازم حتلاقى كل واحد فينا ليه حاجة بياكلها أو يشربها و بتخليه مبسوط، و طبعا ديه حاجة متفاوتة ما بين شخص و التانى، و الناس متتفقش علشان اذواقنا مختلفة.
بس لو جينا نقول كلمة شيكولاتة لاى حد، بتلاقيه بيضحك حتى لو مش بيحبها، لأن ببساطة كده الشيكولاتة هى مصدر سعادة لمعظم الناس، الأطفال الكبار البنات الولاد، كل الناس بأنواعها بتتفق على حب الشيكولاتة، بالنسبة بقى لناس كتير الشيكولاتة دى مش بس حب دي عشق، اه بجد عشق، يعنى حتلاقى ناس بتحبها بالبندق، ناس بتحبها باللبن، ناس بتحبها بالبرتقال، ناس بتاكلها دارك، ناس بتحبها بالكراميل، و مهما اختلف الناس على النوع اللى بيحبوه بس اسم شيكولاتة بس كده لوحده سادة يعنى، كفيل انه يخليك تبتسم.
يعنى و احنا صغيرين، كنا بنستنى بابا لما يجى من برة و أول سؤال نسالهوله، بابا جبتلنا شيكولاتة معاك، و عن كم الفرحة اللى كانت بتبقى فى عينينا و الزقططة اللى كنا بنبقى فيها لما نلاقيه جايبلنا معاه شيكولاتة، غير أن الشيكولاتة كانوا بيستخدموها كمحفز، يعنى لو ذاكرت و خلصت الواجب حجيبلك شيكولاتة، لو سمعت الكلام حيجيلك شيكولاتة، فكانت بالنسبة لنا و نعم المحفز علشان ننجز أى حاجة بسرعة.
و عن البنات اتحدث، الشيكولاتة دى بيتعملها ميزانية خاصة كل شهر من كل بنت، و مرتبطة بيها ارتباط من نوع خاص، يعنى لو حسيت أنها زعلانة أو متضايقة شوية اول حاجة تيجى فى دماغها انها تقوم تاكل شيكولاتة، أو لو حست أنها مبسوطة شوية تجرى تجيب شيكولاتة، فالشيكولاتة فى حياة أى بنت زى الماية و الهوا و نوع من السعادة و المشاعر المختلطة فى بعض مرتبط بوجود الشيكولاتة فى حياة أى بنت.
انا طبعا شهادتى مجروحة فى موضوع الشيكولاتة ده، يعنى تقريبا كده دى اكتر تالت حاجة بحبها فى الدنيا و لو ربنا كتبلى منصب حلو فى حياتى، فبتمنى انى أكون مدير مصنع شيكولاتة، يمكن النهاردة انا مرهقة زيادة عن اللزوم و حاسة أن مدتش الموضوع حقه، و متكلمش عن عشق عمرى بالشكل اللى تستحقه، بس مبررى الوحيد ان يمكن كل واحد أو واحدة بيحبوا الشيكولاتة لما يقروا الموضوع حتى لو كان صغير حيتبسطوا و لو حبة صغيرين و يروحوا ياكلوا شيكولاتة زى ما انا حعمل دلوقتى.
تحياتى
هند مراد
.jpeg)
.jpeg)
No comments:
Post a Comment