اليوم السبعون
الباحثين عن الوهم
فى اليومين الفل اللى احنا بنعيشهم دول بنلاحظ ان بقى صعب اوى أن الواحد فينا يبقى راضى، و مبقتش أى حاجة تعجبنا بسهولة، لأن العالم كله بقى مفتوح على بعضه و انت شايف كل حاجة و انت فى مكانك، فإنك تختار حد تشاركه حياتك، مبقتش حاجة سهلة، كلنا بندور على الكمال و احنا متأكدين أن الكمال لله وحده، يعنى انت مينفعش تلاقى واحد كامل كمال الكامل، فحتلاقى فى أكيد حاجة واقعة من عنده.
زى ما حضرتك مش كامل، بس بتشوف اللى قدامك هو اللى مش كامل، هو كمان شايفك كده بالضبط و هى دايرة و بتلف، فكل واحدة بقت بتحلم ببراد بيت و لا جورج كلونى فى حنيته و طيبته و شكله و مستواه الاجتماعى و كل حاجة سطحية بزيادة، و على الجانب التانى الرجالة عايزين نانسى عجرم و لا ايميلى بلانت و هو كرشه مدلدل منه و ممكن يكون عنده عيوب خلقية كمان بس متعرفش سبحان الله بيجيب الثقة أن نانسى و لا ايميلى ممكن يبصولوه ازاى، و كل واحد ممكن ماسك/ة موبيله/ا و عايشين فى العالم الافتراضى، العالم الموازي للعالم الواقعى و الحقيقى، فبيحسوا نفسهم مكان الأبطال اللى بيشوفوها، و بيحطوا كمان نفسهم فى أماكنهم و اسلوب حياتهم اللى ممكن يكون بعيد اووووووووووووووى عن واقعهم أو حتى مختلف عنهم بكتير.
و طول ما فى فجوة بين الواقع و الخيال، طول ما حيبقى الاختيار صعب و للناس اللى اصلا مرتبطين، حتلاقى دايما فى مقارنة بين الطرفين لناس من عالمهم الافتراضى و مش موجودين فى الواقع، يعنى لو واحدة شايفة جورج كلونى، بتبقى عايزة جوزها طويل وسيم برنس فى نفسه حتى و هو بالبيجاما، و هو بيبقى عايزنها نانسى عجرم فى الاربعة و عشرين ساعة و ناسى الطبيخ و العيال و أن مراته آخر مرة راحت للكوافير كانت من سنة علشان صرفت 500 جنيه و انت قعدت تزعقلها شهر على المبلغ ده، مع أن نانسى عجرم ممكن تحط صفرين تلاتة على الرقم ده علشان تسرح شعرها بس فى اليوم او تسرفهم مرتين
الباحثين عن الوهم
فى اليومين الفل اللى احنا بنعيشهم دول بنلاحظ ان بقى صعب اوى أن الواحد فينا يبقى راضى، و مبقتش أى حاجة تعجبنا بسهولة، لأن العالم كله بقى مفتوح على بعضه و انت شايف كل حاجة و انت فى مكانك، فإنك تختار حد تشاركه حياتك، مبقتش حاجة سهلة، كلنا بندور على الكمال و احنا متأكدين أن الكمال لله وحده، يعنى انت مينفعش تلاقى واحد كامل كمال الكامل، فحتلاقى فى أكيد حاجة واقعة من عنده.
زى ما حضرتك مش كامل، بس بتشوف اللى قدامك هو اللى مش كامل، هو كمان شايفك كده بالضبط و هى دايرة و بتلف، فكل واحدة بقت بتحلم ببراد بيت و لا جورج كلونى فى حنيته و طيبته و شكله و مستواه الاجتماعى و كل حاجة سطحية بزيادة، و على الجانب التانى الرجالة عايزين نانسى عجرم و لا ايميلى بلانت و هو كرشه مدلدل منه و ممكن يكون عنده عيوب خلقية كمان بس متعرفش سبحان الله بيجيب الثقة أن نانسى و لا ايميلى ممكن يبصولوه ازاى، و كل واحد ممكن ماسك/ة موبيله/ا و عايشين فى العالم الافتراضى، العالم الموازي للعالم الواقعى و الحقيقى، فبيحسوا نفسهم مكان الأبطال اللى بيشوفوها، و بيحطوا كمان نفسهم فى أماكنهم و اسلوب حياتهم اللى ممكن يكون بعيد اووووووووووووووى عن واقعهم أو حتى مختلف عنهم بكتير.
و طول ما فى فجوة بين الواقع و الخيال، طول ما حيبقى الاختيار صعب و للناس اللى اصلا مرتبطين، حتلاقى دايما فى مقارنة بين الطرفين لناس من عالمهم الافتراضى و مش موجودين فى الواقع، يعنى لو واحدة شايفة جورج كلونى، بتبقى عايزة جوزها طويل وسيم برنس فى نفسه حتى و هو بالبيجاما، و هو بيبقى عايزنها نانسى عجرم فى الاربعة و عشرين ساعة و ناسى الطبيخ و العيال و أن مراته آخر مرة راحت للكوافير كانت من سنة علشان صرفت 500 جنيه و انت قعدت تزعقلها شهر على المبلغ ده، مع أن نانسى عجرم ممكن تحط صفرين تلاتة على الرقم ده علشان تسرح شعرها بس فى اليوم او تسرفهم مرتين
فى اليوم.
فالمطلوب منك و منها، انكم تنزلوا على الأرض شوية، و تعيشوا الواقع يعنى بالبلدى كده عيشوا عيشة اهلكم، كلوا على قدكم، دخلوا عيالكم مدارس على قدكم و بلاش فشحرة كدابة، اتقبلوا بعض زى ما انتوا، حسوا ببعض و بصوا لنفسكم الأول و بلاش تقللوا من قيمة بعض، و بلاش تعقدوا تدوروا على حاجة صعبة عليكم و تعيشوا نفسكم فى أوهام أكبر منكم، و حاولوا ترضوا بحالكم، الرضا ده نعمة من ربنا، و بيخليك عارف تعيش فى أى حال مهما كانت ظروفك، سواء حلوة أو وحشة.
فالمطلوب منك و منها، انكم تنزلوا على الأرض شوية، و تعيشوا الواقع يعنى بالبلدى كده عيشوا عيشة اهلكم، كلوا على قدكم، دخلوا عيالكم مدارس على قدكم و بلاش فشحرة كدابة، اتقبلوا بعض زى ما انتوا، حسوا ببعض و بصوا لنفسكم الأول و بلاش تقللوا من قيمة بعض، و بلاش تعقدوا تدوروا على حاجة صعبة عليكم و تعيشوا نفسكم فى أوهام أكبر منكم، و حاولوا ترضوا بحالكم، الرضا ده نعمة من ربنا، و بيخليك عارف تعيش فى أى حال مهما كانت ظروفك، سواء حلوة أو وحشة.
تحياتى
هند مراد
.jpeg)
No comments:
Post a Comment