اليوم السابع
البحر بيخطفنى
صباح السعادة عليكم جميعاًَ و جمعة مباركة إن شاء الله، بصوا بقى عندى كمية مشاعر طايرة دلوقتى، ده بس لما جالى فكرة إنى أكتب عن البحر، بجد متتصوروش قد إيه أنا مبسوطة دلوقتى، يعنى on the top world، أصل أنا والبحر قصة عشق جامدة جدا و صحاب وفى link ما بينا غريب كده، بيكلمنى وأكلمه وبضحك وأعيط وأشتيكيله و بيسمعنى وبيرد عليا فى كل موجة فيه، وصوته فى دفىء كده ما بحسوش إلا معاه.
و كله كوم و لا لما أشم هواه كوم تانى، يا سلام! طب بالذمة فى إحساس أجمد من كده، انا بحمد ربنا بجد على إنى إسكندرانية وإنى قريبة من البحر، هى الناس اللى معندهاش بحر ديه بتعمل إيه!
أكيد بيجوا عندنا يتكلموا معاه و يمشوا.
البحر ده سحر وحب وجنون وعشق ووداع وخيانة وغدر ومشاعر كده ملغبطة فى بعض بس فى الاخر عاملة حالة كده غريبة، بيخليك تسرح معاه و ماتفكرش فى حد إلا فيه حتى لو جه فى دماغك إنك تفكر فى حد بيكون عندك سلام نفسى وهدوء كده يخليك مش شايل هم لأى حاجة.
و لو حتى كنتوا كتير ومكنتش لوحدك، حتحسوا كلكم إنكم فى حتة تانية.. فى مود تانى.. فى عالم تانى بجد، عالم مفيهوش غير صوته، الصوت المليان بأحسايس حلوة و اللى بيخليك طاير فى السما و اللوحة الرائعة اللى يبرسمها مع السما والشمس تخليك تقول بصوت عالى سبحان الخالق المبدع المصور.
و الغروب، والشمس وهى بتميل على البحر بلونها البديع الإتنين مع بعض وهما بيرسموا لوحة فنية رائعة، سبحان الله! و الجو وهو بيستسلم و بيتحول بقدرة قادر والليل فى بداياته وهو بيرسم أعظم لوحة ربانية.
تحس كده إن البحر بيقلك لو كنت زعلان ولا شايل من الدنيا أى هم، تعالى عندى و أرمى حمولك على اللى خلقك و فضفض لو كل الدنيا مش سمعاك فى ربنا اللى بدع فى خلقنا كلنا حيفرجها عليك وأنا سامعك ومعاك بس إنت إحكى وإرمى تكالك على الله.
و أسيبكم وأروح البحر شوية
تحياتى
هند مراد
لو عايز تهدى أعصابك بجد، خش إسمع أغنية البحر بيخطفنى من اللينك ده:
.jpeg)
No comments:
Post a Comment