اليوم الثالث و السبعون
العين الفارغة
فى ناس بسيطة اوى بنقابلهم فى حياتنا و عايشين حياتهم بسعادة و رضا و ممكن أقل حاجة تبسطهم، الناس البسيطة دى و على الرغم من مواردهم المحدودة إلا أنهم بيرضوا بحالهم و عينهم دايما مليانة و مش بيبصوا لغيرهم، و فى ناس تانية مهما كان عندهم من نعم ربنا دايما مش راضيين و عايزين اكتر و بيبصوا لغيرهم حتى لو أقل منهم.
الناس اللى عينهم فارغة دول بيكونوا دايما مش راضيين عن حالهم و عايزين اكتر من كل حاجة طول الوقت، يعنى لو ربنا رازق واحد بواحدة حلوة و بنت ناس، و شيالاه هو و بيته يجى بقى أخينا أبو عين فارغة يعرف عليها واحدة من الشارع، و بدل ما يرد لمراته الجميل لا ده بيوطى معاها. من أشكال فراغة العين كمان لما واحدة تبقى تعبانة مع ولادها علشان توفرلهم احسن عيشة و عمالة تدبأها يمين و شمال و يجى ابن عينه فارغة من ولادها، و يفضل يطلب منها طلبات فوق طاقتها و هى مش حتقدر توفرها له، و كل يوم بيعدى عليها و من كتر ضغط ابنها أبو عين فارغة عليها، بتحس أنها مقصرة من ناحيته و بتفضل تلوم نفسها و تحمل نفسها اكتر من طاقتها بكتير علشان ترضى أبو عين فارغة.
طيب احنا عرضنا أمثلة لفراغة العين، ازاى بقى نتعامل مع فراغة العين، فى طريقة تخليك تتعامل مع النوع ده من الناس و هى إنك تقرب من الإنسان اللى عينه فارغة ده و تحتويه، خاصة و لو كان يهمك يعنى زى مثال الأم و ابنها اللى ذكرته قبل كده، يعنى الأم مش حينفع تتجنب التعامل مع ابنها إنما ممكن تساعده بأنها متحققلوش اللى هو عايزه و لو عملت كده مرة، ترفض طلباته كذا مرة بعد كده، لحد ما يتعود على التأقلم مع ظروفه و ظروف عيلته، و ساعات الاحتواء بيخلى الناس تقرب من بعض اكتر و يقدروا يتواصلوا مع بعض احسن، فاحنا لو لقينا حد عينه فارغة، لازم نقرب منه و نفهمه اكتر علشان نعرف المبررات اللى بتخليه يتصرف بطريقة بتبان عدوانية و مش مفهومة، و من الاخر كده كلنا فينا عيوب بس عيوبنا متفاوتة و قدرتنا على التواصل مع بعض مش حتيجى الا لو قربنا من بعض و فهمنا بعض اكتر و ده مش حيجى إلا لما نتعلم نسمع بعض صح و نتقبل بعض اكتر.
تحياتى
هند مراد
العين الفارغة
فى ناس بسيطة اوى بنقابلهم فى حياتنا و عايشين حياتهم بسعادة و رضا و ممكن أقل حاجة تبسطهم، الناس البسيطة دى و على الرغم من مواردهم المحدودة إلا أنهم بيرضوا بحالهم و عينهم دايما مليانة و مش بيبصوا لغيرهم، و فى ناس تانية مهما كان عندهم من نعم ربنا دايما مش راضيين و عايزين اكتر و بيبصوا لغيرهم حتى لو أقل منهم.
الناس اللى عينهم فارغة دول بيكونوا دايما مش راضيين عن حالهم و عايزين اكتر من كل حاجة طول الوقت، يعنى لو ربنا رازق واحد بواحدة حلوة و بنت ناس، و شيالاه هو و بيته يجى بقى أخينا أبو عين فارغة يعرف عليها واحدة من الشارع، و بدل ما يرد لمراته الجميل لا ده بيوطى معاها. من أشكال فراغة العين كمان لما واحدة تبقى تعبانة مع ولادها علشان توفرلهم احسن عيشة و عمالة تدبأها يمين و شمال و يجى ابن عينه فارغة من ولادها، و يفضل يطلب منها طلبات فوق طاقتها و هى مش حتقدر توفرها له، و كل يوم بيعدى عليها و من كتر ضغط ابنها أبو عين فارغة عليها، بتحس أنها مقصرة من ناحيته و بتفضل تلوم نفسها و تحمل نفسها اكتر من طاقتها بكتير علشان ترضى أبو عين فارغة.
طيب احنا عرضنا أمثلة لفراغة العين، ازاى بقى نتعامل مع فراغة العين، فى طريقة تخليك تتعامل مع النوع ده من الناس و هى إنك تقرب من الإنسان اللى عينه فارغة ده و تحتويه، خاصة و لو كان يهمك يعنى زى مثال الأم و ابنها اللى ذكرته قبل كده، يعنى الأم مش حينفع تتجنب التعامل مع ابنها إنما ممكن تساعده بأنها متحققلوش اللى هو عايزه و لو عملت كده مرة، ترفض طلباته كذا مرة بعد كده، لحد ما يتعود على التأقلم مع ظروفه و ظروف عيلته، و ساعات الاحتواء بيخلى الناس تقرب من بعض اكتر و يقدروا يتواصلوا مع بعض احسن، فاحنا لو لقينا حد عينه فارغة، لازم نقرب منه و نفهمه اكتر علشان نعرف المبررات اللى بتخليه يتصرف بطريقة بتبان عدوانية و مش مفهومة، و من الاخر كده كلنا فينا عيوب بس عيوبنا متفاوتة و قدرتنا على التواصل مع بعض مش حتيجى الا لو قربنا من بعض و فهمنا بعض اكتر و ده مش حيجى إلا لما نتعلم نسمع بعض صح و نتقبل بعض اكتر.
تحياتى
هند مراد
.jpeg)
No comments:
Post a Comment