اليوم السادس و السبعون
إزاى تخلى البنات تحبك
موضوع النهاردة هو سؤال بيدور فى دماغ ولاد كتير و كتير منهم بيفكروا هو إزاى بنت عجبانى اخليها تحبنى و تتشد ليا فى وقت قصير، و لو عجبتني ازاى علاقتنا تاخد الشكل الصح، علشان نبنى بيتنا مع بعض بطريقة مختلفة و هى دى اللى فعلا تبقى شريكة حياتى و أبقى فعلا اخترت صح.
البنت بطبيعتها مزاجها متقلب جدا، و خاصة البنت الواثقة من نفسها الجذابة و اللى حواليها معجبين كتير، و علشان تجذب بنت بالشكل ده لازم انت كمان تكون فيك حاجة بتشدها ليك و تخليك مختلف عن اللى حواليك، و مش قصدى حاجة فى شكلك لأن البنت اللى واثقة من نفسها مبتكنش سطحية و بتحب تركز فى تفاصيل الشخصيات، بس بتركز فى تفاصيلها الروحية مش الحاجات السطحية و مش معنى كده انك تهمل فى مظهرك الخارجى لأن دى كده ولا كده حاجة ليك فى وشك، يعنى مظهرك دى حاجة بتعملها علشان نفسك فى الاول، نرجع بقى لايه اللى ممكن يشد بنت فى واحد و يخليها تعجب بيه، من الحاجات المهمة بجد هى أخلاقك، يعنى لو انت انسان خلوق حيبان فى تصرفاتك، زى مثلا لو واحدة كبيرة عدت قدامك و شايلة حاجة، فمن حسن الخلق انك تساعدها، لو زميلك أو زميلتك فى الجامعة أو الشغل طلب منك مساعدة فى حاجة و انت تقدر تعملها، اعملها و ساعد أى حد تقدر تساعده، هى لما حتشوف فيك انك ذو خلق، حتبتدى تتشد ليك.
غير بقى انك أخلاقك تكون عالية، فإنك تكون راجل، يعنى ايه راجل بقى، يعنى حد يعرف يشيل المسئولية و تقدر تعتمد عليه و مش عيل و بيعرف ياخد قرار لوحده من غير ما يرجع لماما، حد كده يعرف يفتح بيت و يحمى بيته وولاده، كمان البنت حتحبك اوى بجد لو كنت بتحترمها و بتحترم و تقدر عقلها و مش بتستخف بيها، و لا بتحسسها إنها أقل منك، و بتعجب اوى باللى يقدر ظروفها و يحس بيها و اهم من كل ده انه يسمعها و يشاركها كل حاجة حتى لو حاجات بسيطة.
كمان البنت بتحب الراجل اللى بيحترم قواعد الاتيكيت و متقلوش عليا متأخرة، بس بجد البنات بتحب الراجل الجنتل، اللى يفتحلها باب العربية، يقعدها على الكرسى قبل ما يقعد، و يشيل منها الحاجات اللى ماسكها لو كانت تقيلة، بجد الحاجات البسيطة دى بتحترمها أى بنت فى الراجل، و يا ريت بقى بعد ما تعمل كل ده، لازم ما تبقاش محدوف و أبقى تقيل كده و راسى، و أحب اقولكم أن دى اكتر حاجة ممكن توقع أى بنت فيك، إنك تبقى تقيل و راسى كده و كلامك على القد، لأن الصمت دايما بيكون ليه جاذبية خاصة و خاصة عند البنات.
و ربنا يوفقكم جميعا للخير.
إزاى تخلى البنات تحبك
موضوع النهاردة هو سؤال بيدور فى دماغ ولاد كتير و كتير منهم بيفكروا هو إزاى بنت عجبانى اخليها تحبنى و تتشد ليا فى وقت قصير، و لو عجبتني ازاى علاقتنا تاخد الشكل الصح، علشان نبنى بيتنا مع بعض بطريقة مختلفة و هى دى اللى فعلا تبقى شريكة حياتى و أبقى فعلا اخترت صح.
البنت بطبيعتها مزاجها متقلب جدا، و خاصة البنت الواثقة من نفسها الجذابة و اللى حواليها معجبين كتير، و علشان تجذب بنت بالشكل ده لازم انت كمان تكون فيك حاجة بتشدها ليك و تخليك مختلف عن اللى حواليك، و مش قصدى حاجة فى شكلك لأن البنت اللى واثقة من نفسها مبتكنش سطحية و بتحب تركز فى تفاصيل الشخصيات، بس بتركز فى تفاصيلها الروحية مش الحاجات السطحية و مش معنى كده انك تهمل فى مظهرك الخارجى لأن دى كده ولا كده حاجة ليك فى وشك، يعنى مظهرك دى حاجة بتعملها علشان نفسك فى الاول، نرجع بقى لايه اللى ممكن يشد بنت فى واحد و يخليها تعجب بيه، من الحاجات المهمة بجد هى أخلاقك، يعنى لو انت انسان خلوق حيبان فى تصرفاتك، زى مثلا لو واحدة كبيرة عدت قدامك و شايلة حاجة، فمن حسن الخلق انك تساعدها، لو زميلك أو زميلتك فى الجامعة أو الشغل طلب منك مساعدة فى حاجة و انت تقدر تعملها، اعملها و ساعد أى حد تقدر تساعده، هى لما حتشوف فيك انك ذو خلق، حتبتدى تتشد ليك.
غير بقى انك أخلاقك تكون عالية، فإنك تكون راجل، يعنى ايه راجل بقى، يعنى حد يعرف يشيل المسئولية و تقدر تعتمد عليه و مش عيل و بيعرف ياخد قرار لوحده من غير ما يرجع لماما، حد كده يعرف يفتح بيت و يحمى بيته وولاده، كمان البنت حتحبك اوى بجد لو كنت بتحترمها و بتحترم و تقدر عقلها و مش بتستخف بيها، و لا بتحسسها إنها أقل منك، و بتعجب اوى باللى يقدر ظروفها و يحس بيها و اهم من كل ده انه يسمعها و يشاركها كل حاجة حتى لو حاجات بسيطة.
كمان البنت بتحب الراجل اللى بيحترم قواعد الاتيكيت و متقلوش عليا متأخرة، بس بجد البنات بتحب الراجل الجنتل، اللى يفتحلها باب العربية، يقعدها على الكرسى قبل ما يقعد، و يشيل منها الحاجات اللى ماسكها لو كانت تقيلة، بجد الحاجات البسيطة دى بتحترمها أى بنت فى الراجل، و يا ريت بقى بعد ما تعمل كل ده، لازم ما تبقاش محدوف و أبقى تقيل كده و راسى، و أحب اقولكم أن دى اكتر حاجة ممكن توقع أى بنت فيك، إنك تبقى تقيل و راسى كده و كلامك على القد، لأن الصمت دايما بيكون ليه جاذبية خاصة و خاصة عند البنات.
و ربنا يوفقكم جميعا للخير.
تحياتى
هند مراد
.jpeg)
No comments:
Post a Comment