اليوم السابع و السبعون
أول شعرة بيضا
بتمشى بينا الحياة، و بنشوف كتير و من ضمن الحاجات اللى بنشوفها، بنشوف ناس شباب و عجوزة اوى من جواها من كتر اللى شافته فى حياتها، و ناس عجوزة اوى و ماسكة فى الدنيا و كأنها معشتش حياتها و عايزة اكتر و الحياة بالنسبة لهم تحدى لعمرهم، يعنى تلاقيهم قربوا للتمانين و عايشين حياة عشرينية و يمكن أقل و مش شايلين للدنيا هم، هو ده حلو بس أحلى لما تعيش حياتك بكل مراحلها و تحس بحلاوة كل مرحلة فى عمرك و متنطش من مرحلة لمرحلة بسرعة إنما تستمتع بكل مرحلة فيهم زى ما هى.
هو طبعا احنا مش عارفين حنموت امتى، بس لما بتبقى كبير سنا بيكون عندك خبرة اكتر و المفروض تكون أعقل و تشوف الحياة بمنظور عقلاني و حكيم شوية عن و انت صغير، تخيل بقى ان انت صغير و تكون شايف أخر عمرك و عايشه، تخيل أنك من الهم ممكن تكون فى سريرك و مش عارف تتحرك و مش عايز تشوف ناس، يمكن موقف واحد تمر بيه يجرى معاه عمرك و تحس انك عديت حاجات كتير فى عمرك كان المفروض تعملها و حياة حلوة اتحرمت منها، و تيجى فى لحظة تبص فى مرايتك تلاقى شعرة و لا كام شعرة بيضة، ايه ده هو كتر الهم كبرنى أوى كده، ايه ده انا فاتنى كتير اوى كده، انا عملت فى نفسى كده؟؟!
و تفضل ترجع بزمانك شوية صغيرين، هو أنا استحملت كل ده لوحدى، هو أنا شيلت ده و موقعتش من كتر الحمل اللى كنت شايله، لحظات ندم و صراع و قهرة و حيرة و معاهم عمرك بيعدى.
انا بقولك بقى اه انت حصلك كل ده، اه انت شوفت كتير، اه انت مش كبير بس اللى شفته كتير خلاك تحس بعجز و انت لسة فى عز شبابك.
حتفضل تندم و تستنى باقى الشعر اللى عندك لما يبقى كله يبقى ابيض، هى الدنيا مستاهلة تشيلها هم، قوم و اقف، انت قوى، انت أقوى من اى موقف بجد، الموقف عدى، فمتخليش عمرك كمان يعدى معاه، بص ربنا خلق البحر حلو ازاى، السما حلوة ازاى، الورد لونه حلو ازاى .. خلق ناس طيبة خلق ضحكة فى طفل تنسيك الدنيا كلها، خلق حد محتاجلك بتضحك، الدنيا كلها بتناديك علشان تستمتع بيها، علشان طير بيطير و بيديلك رسالة، متقفش فى مكانك و كمل اوعى تبص وراك، و لو بصيت فى المرايا و لقيت كام شعرة بيضة، روح هات صبغة وطلع لسانك للدنيا و قولها حعيشك و مش حقف عند أى حاجة تمر عليا و حكمل.
تحياتى
هند مراد
أول شعرة بيضا
بتمشى بينا الحياة، و بنشوف كتير و من ضمن الحاجات اللى بنشوفها، بنشوف ناس شباب و عجوزة اوى من جواها من كتر اللى شافته فى حياتها، و ناس عجوزة اوى و ماسكة فى الدنيا و كأنها معشتش حياتها و عايزة اكتر و الحياة بالنسبة لهم تحدى لعمرهم، يعنى تلاقيهم قربوا للتمانين و عايشين حياة عشرينية و يمكن أقل و مش شايلين للدنيا هم، هو ده حلو بس أحلى لما تعيش حياتك بكل مراحلها و تحس بحلاوة كل مرحلة فى عمرك و متنطش من مرحلة لمرحلة بسرعة إنما تستمتع بكل مرحلة فيهم زى ما هى.
هو طبعا احنا مش عارفين حنموت امتى، بس لما بتبقى كبير سنا بيكون عندك خبرة اكتر و المفروض تكون أعقل و تشوف الحياة بمنظور عقلاني و حكيم شوية عن و انت صغير، تخيل بقى ان انت صغير و تكون شايف أخر عمرك و عايشه، تخيل أنك من الهم ممكن تكون فى سريرك و مش عارف تتحرك و مش عايز تشوف ناس، يمكن موقف واحد تمر بيه يجرى معاه عمرك و تحس انك عديت حاجات كتير فى عمرك كان المفروض تعملها و حياة حلوة اتحرمت منها، و تيجى فى لحظة تبص فى مرايتك تلاقى شعرة و لا كام شعرة بيضة، ايه ده هو كتر الهم كبرنى أوى كده، ايه ده انا فاتنى كتير اوى كده، انا عملت فى نفسى كده؟؟!
و تفضل ترجع بزمانك شوية صغيرين، هو أنا استحملت كل ده لوحدى، هو أنا شيلت ده و موقعتش من كتر الحمل اللى كنت شايله، لحظات ندم و صراع و قهرة و حيرة و معاهم عمرك بيعدى.
انا بقولك بقى اه انت حصلك كل ده، اه انت شوفت كتير، اه انت مش كبير بس اللى شفته كتير خلاك تحس بعجز و انت لسة فى عز شبابك.
حتفضل تندم و تستنى باقى الشعر اللى عندك لما يبقى كله يبقى ابيض، هى الدنيا مستاهلة تشيلها هم، قوم و اقف، انت قوى، انت أقوى من اى موقف بجد، الموقف عدى، فمتخليش عمرك كمان يعدى معاه، بص ربنا خلق البحر حلو ازاى، السما حلوة ازاى، الورد لونه حلو ازاى .. خلق ناس طيبة خلق ضحكة فى طفل تنسيك الدنيا كلها، خلق حد محتاجلك بتضحك، الدنيا كلها بتناديك علشان تستمتع بيها، علشان طير بيطير و بيديلك رسالة، متقفش فى مكانك و كمل اوعى تبص وراك، و لو بصيت فى المرايا و لقيت كام شعرة بيضة، روح هات صبغة وطلع لسانك للدنيا و قولها حعيشك و مش حقف عند أى حاجة تمر عليا و حكمل.
تحياتى
هند مراد
.jpeg)
No comments:
Post a Comment