اليوم الرابع و الثمانون
سواق تاكسى
عمر جه فى بالك تسيب شغلك و تشتغل فى حاجة انت بتحبها، طب عمر و انت قاعد فى شغلك قلت لنفسك ايه القرف ده انا مبحبش الشغل ده خالص، انا بصحى كل يوم من النوم علشان أفضل اعمل حاجة مبحبهاش و أشوف ناس مش طايقها و افضل احرق فى دمى و طاقتى، كل ده علشان ايه و ليه، علشان شوية كلام فارغ و ورق بيتصرفوا قبل ما يجوا؟!
تفتكر عمرك فاضل فيه ده ايه علشان تضيعه فى حرقة دم و غباء من ناس حواليك، ناس بتختلف فى كل حاجة و بيتفقوا بس على حرقة دمك، ناس مضطر تعملهم شغلهم، و تشرحه، و تسنجفه، و تبعد عنه عين الحاقدين و تبخره و ترقيه ، علشان فى الآخر يا يعجبهم شغلك يا إما لأ و النتيجة واحدة عجبهم أو معجبهمش انت زى ما انت بتعمل حاجات مش بتحبها كل يوم و طول الوقت.
جربت بقى تصحى من النوم و انت رافض الواقع اللى اتفرض عليك، فكرت بطريقة مجنونة تعمل حاجة و لو ليوم حاجة انت بتحبها، سألت نفسك مرة نفسك تبقى ايه و عايز تعمل ايه ليك انت، حاجة بتلاقى فيها نفسك إنت و مش حد تانى، لو انت مفكرتش انا بقى فكرت، عارفين نفسى اعمل ايه جدا، نفسى أبقى سواق تاكسى، اه سواق تاكسى فيه حاجة حضرتك.
واحد مزجانجى جدا بيلف الدنيا كل يوم، أولا بيصحى على راحة راحته، عايز يصحى بدرى ماشى، عايز يصحى متاخر ماشى محدش حيحاسبه و ماسكله الساعة ، بياكل اللى بيحلاله وقت ما يحلاله، بيختار كمان الناس اللى حتركب معاه، و بيختار كمان مرتبه، يعنى الأجرة هو اللى بيحددها من غير قيود، و قبضه على مزاجه و العجلة دايرة، عارفين الراجل ده كمان بيتميز بحاجة هايلة جدا و talent يمكن تكون مش موجودة عند ناس كتير، و هى ال communication skills، انت عارف الراجل ده بيتعامل مع كام واحد فى اليوم و كام موقف بيتعرض له فى اليوم، و مع الخبرة و الفصال اليومى كمان بيكتسب مهارة مهمة جدا فى حياة أى بنى ادم و هى negotiation skills، شايفين كم المتعة فى الشغلانة و المهارات اللى عند سواق التاكسى، بجد شغلة حلوة و مش مملة موت و مسلية و كلها action.
فى ناس ممكن تشوف الناس اللى بيشتغلوا كده دول ناس معندهمش مهارات و بيستقلوا بيهم و بيقللوا منهم كمان، إنما الحقيقة انهم ناس فى منتهى الذكاء و عندهم مهارات كتير.
فياريت بجد نحس بيهم و نبطل نعاملهم باستعلاء، و اعرف ان انت نفسك مكانك اللى انت فيه مش دايم و ممكن ربنا يحوجك و تشتغل عل أوبر و لا كريم بعربيتك اللى كنت عمال تطنطط بيها على مخاليق ربنا، و تشوف نفس الذل و تدوق من نفس الكأس اللى كنت بتديه لغيرك، فاتقى الله و عامل الناس دى زى مانت تحب تتعامل .
تحياتى
هند مراد
سواق تاكسى
عمر جه فى بالك تسيب شغلك و تشتغل فى حاجة انت بتحبها، طب عمر و انت قاعد فى شغلك قلت لنفسك ايه القرف ده انا مبحبش الشغل ده خالص، انا بصحى كل يوم من النوم علشان أفضل اعمل حاجة مبحبهاش و أشوف ناس مش طايقها و افضل احرق فى دمى و طاقتى، كل ده علشان ايه و ليه، علشان شوية كلام فارغ و ورق بيتصرفوا قبل ما يجوا؟!
تفتكر عمرك فاضل فيه ده ايه علشان تضيعه فى حرقة دم و غباء من ناس حواليك، ناس بتختلف فى كل حاجة و بيتفقوا بس على حرقة دمك، ناس مضطر تعملهم شغلهم، و تشرحه، و تسنجفه، و تبعد عنه عين الحاقدين و تبخره و ترقيه ، علشان فى الآخر يا يعجبهم شغلك يا إما لأ و النتيجة واحدة عجبهم أو معجبهمش انت زى ما انت بتعمل حاجات مش بتحبها كل يوم و طول الوقت.
جربت بقى تصحى من النوم و انت رافض الواقع اللى اتفرض عليك، فكرت بطريقة مجنونة تعمل حاجة و لو ليوم حاجة انت بتحبها، سألت نفسك مرة نفسك تبقى ايه و عايز تعمل ايه ليك انت، حاجة بتلاقى فيها نفسك إنت و مش حد تانى، لو انت مفكرتش انا بقى فكرت، عارفين نفسى اعمل ايه جدا، نفسى أبقى سواق تاكسى، اه سواق تاكسى فيه حاجة حضرتك.
واحد مزجانجى جدا بيلف الدنيا كل يوم، أولا بيصحى على راحة راحته، عايز يصحى بدرى ماشى، عايز يصحى متاخر ماشى محدش حيحاسبه و ماسكله الساعة ، بياكل اللى بيحلاله وقت ما يحلاله، بيختار كمان الناس اللى حتركب معاه، و بيختار كمان مرتبه، يعنى الأجرة هو اللى بيحددها من غير قيود، و قبضه على مزاجه و العجلة دايرة، عارفين الراجل ده كمان بيتميز بحاجة هايلة جدا و talent يمكن تكون مش موجودة عند ناس كتير، و هى ال communication skills، انت عارف الراجل ده بيتعامل مع كام واحد فى اليوم و كام موقف بيتعرض له فى اليوم، و مع الخبرة و الفصال اليومى كمان بيكتسب مهارة مهمة جدا فى حياة أى بنى ادم و هى negotiation skills، شايفين كم المتعة فى الشغلانة و المهارات اللى عند سواق التاكسى، بجد شغلة حلوة و مش مملة موت و مسلية و كلها action.
فى ناس ممكن تشوف الناس اللى بيشتغلوا كده دول ناس معندهمش مهارات و بيستقلوا بيهم و بيقللوا منهم كمان، إنما الحقيقة انهم ناس فى منتهى الذكاء و عندهم مهارات كتير.
فياريت بجد نحس بيهم و نبطل نعاملهم باستعلاء، و اعرف ان انت نفسك مكانك اللى انت فيه مش دايم و ممكن ربنا يحوجك و تشتغل عل أوبر و لا كريم بعربيتك اللى كنت عمال تطنطط بيها على مخاليق ربنا، و تشوف نفس الذل و تدوق من نفس الكأس اللى كنت بتديه لغيرك، فاتقى الله و عامل الناس دى زى مانت تحب تتعامل .
تحياتى
هند مراد
.jpeg)
No comments:
Post a Comment