اليوم الثانى و الستون
الأخت
مفيش احسن من يوم عيد ميلادى انى اكتب عن اكتر حد بحبه فى العالم، جت فى دماغى اوى اغنية يا بنات يا بنات يا بنات اللى مخلفش بنات للأخت نانسى عجرم، بس بجد و الله البنت دى نعمة و رزق ربنا بيبعتهالك و انا أختى دى مهما اتكلم عنها مش حعرف اديها حقها، بس اقدر اوصفها انها نعمة من ربنا و حياة تانية و جدعنة و أم و أخ و كل حاجة و بتبان اوى كل الحاجات الحلوة اللى فيها فى وقت الشدة.
بجد اللى معندوش أخت ده يتيم، حتى لو انت راجل، اختك بتكون سندك فى الحياة و الحيطة اللى بتتسند عليها وقت الشدة، و الحنية و الأمان و الأم التانية، الأم الأقرب اللى بتكمل معاك الحياة، و اللى بترمى عليها همومك و انت عارف ان فى حد فى ضهرك و بيشاركك كل لحظة فى حياتك.
و ضحكة من القلب أو دمعة من حزن، انت زى ما انت هى عندها حاجة غريبة تحتويك و تتحسسك انكم واحد و مفيش أى فرق بينكم من كتر ما هى حاسة بيك، انت على طبيعت و هى سمعاك و معاك و مش محتاج تتكلف أو تدارى دموعك ابدا.
و احلى حد يختارلك حاجتك و تخليك تغير رأيك فى ثانية هى اختك، و كفاية بصة منها تقولك ايه القمر ده أو ايه القرف ده، و تلاقى نفسك بتسمع كلامها من غير ما تفكر، جربت تتعب و تلاقيها شيلاك شيل، و متعرفش تنام غير لما تتطمن عليك، طب جربت حد يعملك حاجة و لايقرب منك، شفت الوحش الكاسر اللى بيطلع فجأة و بيحميك و يدافع عنك.
و يا سلام و سلم لو ربنا رزقك باخت بتعرف تعمل اكل، حتاكل أكل و تاخد دلع عمرك ما تشوفه فى حياتك و مهما عدى عليك من وصحاب جدعة و لا حد حبك بجد، حب اختك ده بيبقى حاجة تانية و طعم تانى و نفس بتتنفسه و مش بتعرف تستغني عنه.
ربنا يحفظلنا أخواتنا و يحميهم و يديهم طولة البال اللى تخليهم يستحملونا اكتر و يعيشوا معانا و حوالينا دايما فى سعادة و حب.
الأخت
مفيش احسن من يوم عيد ميلادى انى اكتب عن اكتر حد بحبه فى العالم، جت فى دماغى اوى اغنية يا بنات يا بنات يا بنات اللى مخلفش بنات للأخت نانسى عجرم، بس بجد و الله البنت دى نعمة و رزق ربنا بيبعتهالك و انا أختى دى مهما اتكلم عنها مش حعرف اديها حقها، بس اقدر اوصفها انها نعمة من ربنا و حياة تانية و جدعنة و أم و أخ و كل حاجة و بتبان اوى كل الحاجات الحلوة اللى فيها فى وقت الشدة.
بجد اللى معندوش أخت ده يتيم، حتى لو انت راجل، اختك بتكون سندك فى الحياة و الحيطة اللى بتتسند عليها وقت الشدة، و الحنية و الأمان و الأم التانية، الأم الأقرب اللى بتكمل معاك الحياة، و اللى بترمى عليها همومك و انت عارف ان فى حد فى ضهرك و بيشاركك كل لحظة فى حياتك.
و ضحكة من القلب أو دمعة من حزن، انت زى ما انت هى عندها حاجة غريبة تحتويك و تتحسسك انكم واحد و مفيش أى فرق بينكم من كتر ما هى حاسة بيك، انت على طبيعت و هى سمعاك و معاك و مش محتاج تتكلف أو تدارى دموعك ابدا.
و احلى حد يختارلك حاجتك و تخليك تغير رأيك فى ثانية هى اختك، و كفاية بصة منها تقولك ايه القمر ده أو ايه القرف ده، و تلاقى نفسك بتسمع كلامها من غير ما تفكر، جربت تتعب و تلاقيها شيلاك شيل، و متعرفش تنام غير لما تتطمن عليك، طب جربت حد يعملك حاجة و لايقرب منك، شفت الوحش الكاسر اللى بيطلع فجأة و بيحميك و يدافع عنك.
و يا سلام و سلم لو ربنا رزقك باخت بتعرف تعمل اكل، حتاكل أكل و تاخد دلع عمرك ما تشوفه فى حياتك و مهما عدى عليك من وصحاب جدعة و لا حد حبك بجد، حب اختك ده بيبقى حاجة تانية و طعم تانى و نفس بتتنفسه و مش بتعرف تستغني عنه.
ربنا يحفظلنا أخواتنا و يحميهم و يديهم طولة البال اللى تخليهم يستحملونا اكتر و يعيشوا معانا و حوالينا دايما فى سعادة و حب.
تحياتى
هند مراد
.jpeg)
No comments:
Post a Comment