اليوم المائة و خمس
انتى هدفك
موضوع النهاردة عن البنات المختلفة، البنات اللى مش تافهة و اللى عندها هدف حقيقى عايشة علشانه، مش قايمة نايمة قاعدة واقفة كل تفكيرها حتجوز امتى.
تعالوا كده نقارن بين بنتين، واحدة هدفها الجواز و العيال و الهم المبكر، و واحدة تانية هدفها ازاى تعمل مستقبل لنفسها بتعتمد فيه على المولى سبحانه و تعالى ثم على نفسها، مش على حد تعتمد عليه، البنت الأولى بتفضل تتجمل و تتكلف و ترسم نفسها صح، الرسم ده ى الغالب بيكون من برة، يعنى بتتجمل خارجيا و بتتوحش داخليا يعنى عقلها بيكون فاضى و فارغ، لأنها خلت كل هدفها ازاى توقع واحد و تجوزه، و واحدة واحدة بتبقى فاضية و بعيدة عن الواقع و تحس أنها بقت معزولة، معزولة فى عالم يمكن متعرفش حتى تقرأ فيه كتاب، تتعامل فيه مع الناس بالشكل الصح، تعرف ايه اللى بيحصل حواليها غير مين الل حيعجب بيها و يتجوزها، من الاخر كده هى حبست نفسها فى هدف واحد اللى هو عايزة اتجوز.
تعالوا بقى للبنت التانية، حتلاقيها مش شرط تكون بتهتم بنفسها خارجيا اوى، بس اهتمامها بنفسها داخليا بيكون اكتر بكتير، بتلاقيها من فترة للتانية بتحط لنفسها هدف و تسعى بكل ما فيها أنها توصله، و بعد ما تحققه تحط لنفسها هدف تانى و تالت و رابع و عمرها ما بتيأس مهما قابلت من صعوبات، لأنها ببساطة مع كل هدف بتحققه بتبقى اقوى، لحد ما تقدر أنها فعلا تكون قادرة تعتمد على نفسها فى كل حاجة و مش مستنية حد يغير لها حياتها، ده بالعكس الكل بيبقى مستنى أنها تدخل حياته و تغيرها، بس هى علشان دماغها بتبقى كبيرة هى اللى بتحط الكل قدامها و تختار مين احسن، بتختار الوقت المناسب اللى ترتبط بيه بحد، بتبقى عارفة اللى ليها و اللى عليها مش باصة للموضوع من ناحية واحدة بس، بترفع اللى معاها بيها مش هو اللى بيرفعها، دايما طموحة و عايزة تبقى احسن، احسن من جوة مش من برة.
شفتوا الفرق بين الاتنين، فرق كبير بينهم، فرق بين واحدة ممكن تتكلم معاها و تشدك علشان شكلها حلو و بتعرف تطبخ، و يمكن تزهق بعد ساعة كلام معاها، و بين واحدة بتكلم عقلك، عارفة تخاطبه، عندها رد لكل سؤال، عندها مليون موضوع تفتحه معاك علشان تتكلموا فيه، واحدة متحسسشك انك هدف و لكن اختيار، لأن النوع ده لما حيقرب منك بيبقى اختيار بعد تفكير مش حد بيسد بيك خانة و خلاص.
الخلاصة، إنك تكونى حلوة و تهتمى بنفسك ده شىء جميل جدا، بس إنك تكونى حلوة و تهتمى بعقلك ده شىء اجمل بكتير، و إعرفى إن هدف الجواز ده مش هدف ده فراغ، فخلى دايما هدفك انتى، ايوة انتى، إنك تبقى احسن، تبقى اقوى، تبقى نفسك، تبقى عقلك، تبقى فعلا هدفك.
تحياتى
هند مراد
انتى هدفك
موضوع النهاردة عن البنات المختلفة، البنات اللى مش تافهة و اللى عندها هدف حقيقى عايشة علشانه، مش قايمة نايمة قاعدة واقفة كل تفكيرها حتجوز امتى.
تعالوا كده نقارن بين بنتين، واحدة هدفها الجواز و العيال و الهم المبكر، و واحدة تانية هدفها ازاى تعمل مستقبل لنفسها بتعتمد فيه على المولى سبحانه و تعالى ثم على نفسها، مش على حد تعتمد عليه، البنت الأولى بتفضل تتجمل و تتكلف و ترسم نفسها صح، الرسم ده ى الغالب بيكون من برة، يعنى بتتجمل خارجيا و بتتوحش داخليا يعنى عقلها بيكون فاضى و فارغ، لأنها خلت كل هدفها ازاى توقع واحد و تجوزه، و واحدة واحدة بتبقى فاضية و بعيدة عن الواقع و تحس أنها بقت معزولة، معزولة فى عالم يمكن متعرفش حتى تقرأ فيه كتاب، تتعامل فيه مع الناس بالشكل الصح، تعرف ايه اللى بيحصل حواليها غير مين الل حيعجب بيها و يتجوزها، من الاخر كده هى حبست نفسها فى هدف واحد اللى هو عايزة اتجوز.
تعالوا بقى للبنت التانية، حتلاقيها مش شرط تكون بتهتم بنفسها خارجيا اوى، بس اهتمامها بنفسها داخليا بيكون اكتر بكتير، بتلاقيها من فترة للتانية بتحط لنفسها هدف و تسعى بكل ما فيها أنها توصله، و بعد ما تحققه تحط لنفسها هدف تانى و تالت و رابع و عمرها ما بتيأس مهما قابلت من صعوبات، لأنها ببساطة مع كل هدف بتحققه بتبقى اقوى، لحد ما تقدر أنها فعلا تكون قادرة تعتمد على نفسها فى كل حاجة و مش مستنية حد يغير لها حياتها، ده بالعكس الكل بيبقى مستنى أنها تدخل حياته و تغيرها، بس هى علشان دماغها بتبقى كبيرة هى اللى بتحط الكل قدامها و تختار مين احسن، بتختار الوقت المناسب اللى ترتبط بيه بحد، بتبقى عارفة اللى ليها و اللى عليها مش باصة للموضوع من ناحية واحدة بس، بترفع اللى معاها بيها مش هو اللى بيرفعها، دايما طموحة و عايزة تبقى احسن، احسن من جوة مش من برة.
شفتوا الفرق بين الاتنين، فرق كبير بينهم، فرق بين واحدة ممكن تتكلم معاها و تشدك علشان شكلها حلو و بتعرف تطبخ، و يمكن تزهق بعد ساعة كلام معاها، و بين واحدة بتكلم عقلك، عارفة تخاطبه، عندها رد لكل سؤال، عندها مليون موضوع تفتحه معاك علشان تتكلموا فيه، واحدة متحسسشك انك هدف و لكن اختيار، لأن النوع ده لما حيقرب منك بيبقى اختيار بعد تفكير مش حد بيسد بيك خانة و خلاص.
الخلاصة، إنك تكونى حلوة و تهتمى بنفسك ده شىء جميل جدا، بس إنك تكونى حلوة و تهتمى بعقلك ده شىء اجمل بكتير، و إعرفى إن هدف الجواز ده مش هدف ده فراغ، فخلى دايما هدفك انتى، ايوة انتى، إنك تبقى احسن، تبقى اقوى، تبقى نفسك، تبقى عقلك، تبقى فعلا هدفك.
تحياتى
هند مراد
.jpeg)
No comments:
Post a Comment